網紅的藏寶箱過咗嚟深圳一個月有多啦，同大家update 吓先。
隔離真係唔簡單啊！！！！因為咁啱分派嘅酒店有地氈，啲污糟野啊同致敏源嗰啲鬼鬼鼠鼠咁匿埋，搞到我啲濕疹又返嚟搵我😭
14日住同一間房，頭幾日啲濕疹都開始爆發出嚟，所以大家見到我淨係頭幾日有做運動，之後皮膚狀態都唔允許我做運動啦🐷🥲，正所謂一動不如一靜，後面嘅日子我就冇做運動，淨係靜靜咁睇書📖、冥想🧘♂️同食訓，時間都算過得幾快嘅，幸運嘅我唔使隔離21日，如果唔係我都唔知可唔可以捱得住。
唔使隔離21日，早咗七日可以出嚟，正好有時間俾我好好處理我啲濕疹，因為濕疹除咗喺手手腳腳之外，我兩粒可愛嘅耳珠都有生濕疹，如果唔好會影響拍攝，所以到咗劇組之後，我淨係一路好專注咁樣處理我皮膚嘅問題，喺度特別多謝康仔同Emily @danielchau928 @onlylovemily 幫我去攞藥同寄啲物資俾我🥰 ，仲要多謝美樂醫療嘅周教授同Joanne一直提醒我點樣處理濕疹，所以我用咗大概10日嘅時間就處理好我個皮膚，耳珠仔都變返皮光肉滑❤️。
大家唔使擔心而家我已經冇事啦，唔使拍野嘅時間，我仲會一個人出去行吓，搵吓啲好食嘅素菜，喺街上認到啲新嘅朋友仲會一齊合照留念，
今日就報告到呢度為止，miss you all🥰
Search